დეკანოზი დავით ქვლივიძე კორონავირუსით გარდაიცვალა. ამის შესახებ ინფორმაცია საპატრიარქოს საზოგადოებასთან ურთიერთობის სამსახურის ხელმძღვანელმა, ანდრია ჯაღმაიძემ გაავრცელა.

"კორონავირუსით დაინფიცირებამ გამოიწვია მისი ჯანმრთელობის მდგომარეობის დამძიმება, იგი მკურნალობდა საავადმყოფოში. ვუსამძიმრებ მის ოჯახს და ახლობლებს", — წერს ჯაღმაიძე.

დეკანოზი დავით ქვლივიძე მართლმადიდებელ მშობელთა კავშირის წევრი იყო. კავშირის ფეისბუქგვერდით კორონავირუსთან დაკავშირებული უსაფუძვლო და ცრუ არაერთი განცხადება გავრცელებულა.