სტრატეგია აღმაშენებლის წევრი, სერგო ჩიხლაძე აცახდებს, რომ ქართულ ოცნებასთან ნებისმიერი სახის დებატებისთვის მზად არიან, მაგრამ იმ შემთხვევაში, თუ პარტიის წამყვანი სახეები მივლენ. ასე გამოეხმაურა ის ქართული ოცნების აღმასრულებელი მდივნის, ირაკლი კობახიძის მიერ ოპოზიციისთვის დებატების შეთავაზებას.

"ჩვენ მზად ვართ შევიდეთ ნებისმიერი სახის დებატში, ოღონდ, ქართული ოცნების წამყვან სახეებთან. მესამე მეოთხე კლასის მოთამაშეებთან, რანგის მიხედვით რა თქმა უნდა. ყველაზე უპრიანი იქნება ან თავმჯდომარესთან, ან იგივე გახარიასთან, ეს იქნებოდა ყველაზე ოპტიმალური", — აცხადებს ჩიხლაძე.

ირაკლი კობახიძემ ოპოზიციას სატელევიზიო დებატები შესთავაზა. მან რუსთავი 2-ის ეთერში განაცხადა, რომ მზადაა ისეთ ფორმატში მონაწილეობისთვის, სადაც ოპოზიციას დაუპირისპირდება მმართველი გუნდი, კონკრეტული განსახილველი თემები კი იქნება საარჩევნო დარღვევები, ხარვეზები და მანიპულაცია.