ტრამპის სპიკერმა პირობა დადო, რომ სამართლებრივი ბრძოლა ჯო ბაიდენის არჩევნებში გამარჯვებასთან დაკავშირებით ჯერ მხოლოდ იწყება. ინფორმაცია ამის შესახებ გამოცემა BBC-მ გაავრცელა.

"ეს არჩევნები არ დასრულებულა", — განაცხადა კელი მაკენანმა.

გამოცემის ცნობით, მაკენანმა საარჩევნო კორუფციაზე ბრალდებები წამოაყენა, თუმცა, სისტემური დარღვევების შესახებ, რომელმაც, შესაძლოა, არჩევნების შედეგებზე გავლენა იქონიოს, არანაირი მტკიცებულება არ არსებობს.

7 ნოემბერს წინასწარი მონაცემების დაყრდნობით, რომელსაც რამდენიმე მსხვილი ამერიკული მედიასაშუალება აწარმოებს, აშშ-ს 46-ე პრეზიდენტი ჯო ბაიდენი იქნება. ჯერჯერობით ყველა შტატში ხმები დათვლილი ბოლომდე არაა.

მოქმედი პრეზიდენტი დონალდ ტრამპი დამარცხებას არ აღიარებს. ჯო ბაიდენმა არჩეული პრეზიდენტის რანგში ერს უკვე მიმართა. არაერთმა მსოფლიო ლიდერმა კი, მათ შორის გერმანიის კანცლერმა, კანადის პრემიერმა და საფრანგეთის პრეზიდენტმა, ბაიდენს გამარჯვება უკვე მიულოცა.

ამავე თემაზე: