ფორმულას დაკვეთით ჩატარებული ეგზიტპოლების თანახმად, 20 საათის თბილისის მონაცემებით, სტრატეგია აღმაშენებელსა და ლელოს 4-4 პროცენტი აქვთ, ევროპულ საქართველოსა და პატრიოტთა ალიანსს 3-3 პროცენტი. სხვა მონაცემები ასე გამოიყურება:

  • ქართული ოცნება — 43%;
  • ნაციონალური მოძრაობა — 23%;
  • გირჩი — 8%;
  • სტრატეგია აღმაშენებელი — 4%
  • ლელო — 4%;
  • ევროპული საქართველო — 3%;
  • პატრიოტთა ალიანსი — 3%.

წელს არჩევნებზე ეგზიტპოლს ტელეკომპანია ფორმულას დაკვეთით ამერიკულმა კომპანია Edison Research-მა ჩაატარა. პირისპირი მეთოდით გამოიკითხა 11 527 არჩევნებში მონაწილეობის უფლების მქონე, 18 წლის ან ზემოთ ასაკის მოსახლეობა. შესაძლო ცდომილება +/–1.5%.

ამავე თემაზე:

ეგზიტპოლების შესახებ

არჩევნების დღეს ეგზიტპოლები დამოუკიდებელმა ორგანიზაციებმა, მედიებმა და ISFED-მა ჩაატარეს. მათი შედეგები 8 საათზე გავრცელდა.

  • წელს არჩევნებზე ეგზიტპოლს ამერიკულ კომპანია Edison Research ტელეკომპანია ფორმულას დაკვეთით ატარებს.
  • მთავარი არხისთვის ეგზიტპოლებს ატარებს ფრანგული კომპანია IPSOS.
  • რუსთავი 2-სთვის ეგზიტპოლებს ბრიტანული კვლევითი კომპანია Survation ატარებს.
  • ტელეკომპანია იმედის დაკვეთით კი ეგზიტპოლებს ამერიკული კომპანია Public Opinion Strategies ატარებს.

არჩევნების დღეს ხმებს პარალელურად ითვლის არასამთავრობო ორგანიზაცია სამართლიანი არჩევნებისა და დემოკრატიის საერთაშორისო საზოგადოებაც (ISFED).

ედისონს საქართველოში სხვადასხვა დროს აქვს ეგზიტპოლი ჩატარებული. იუსტიციის სამინისტროს მიერ გამოქვეყნებული ინფორმაციით, IPSOS 2019 წელს ატარებდა კვლევას საქართველოში სასამართლო რეფორმების შესაფასებლად. Survation და Public Opinion Strategies კი საქართველოში ეგზიტპოლებს პირველად ატარებენ.