თბილისის მერი, კახა კალაძის თქმით, ნაციონალური მოძრაობის ერთ-ერთი ლიდერის, ნიკა მელიას განცხადება გიორგი კვიჟინაძის შესახებ ტყუილია. ნიკა მელია ამბობდა, რომ კახა კალაძის მეგობარმა, დათო კვიჟინაძემ მისი შტაბის წევრს იარაღი დაუმიზნა, პოლიციამ კი მის მაგივრად, შტაბის წევრი დაიჭირა.

"ეს არის ძალიან დიდი ტყუილი, ნიკა მელია არის ჩვეულებრივი კრიმინალი და შემოკრებილი ჰყავდა ე.წ. კრიმინალური ავტორიტეტები და მთელი დღის განმავლობაში არაერთი მასალა იქნა გავრცელებული, როგორ აშინებდა ამომრჩეველს. პროვოკაციაზე, რომელიც მოხდა, პასუხისმგებლობა ეკისრება ამ კრიმინალებს", — აცხადებს კალაძე.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: