ქართული ოცნების საარჩევნო შტაბის უფროსმა ირაკლი კობახიძემ ბრიფინგზე განაცხადა, რომ მის ხელთ არსებული ინფორმაციით, 15:00 საათისთვის სულ მცირე 700 ათასზე მეტმა ამომრჩეველმა მისცა ხმა ქართულ ოცნებას.

ირაკლი კობახიძეს კითხვა დაუსვეს ამომრჩევლების შესაძლო მოსყიდვის თემაზეც, რაზეც მმართველი გუნდის წევრმა უპასუხა, რომ "თუ ვინმე ამბობს, რომ აიღო ქრთამი, რა თქმა უნდა, ქრთამის ამღებიც და გამცემიც არის პასუხისმგებაში მისაცემი".

ირაკლი კობახიძემ საარჩევნო უბნებზე ინციდენტების შესახებაც ისაუბრა და თქვა, რომ "უბნებთან მღელვარებასა და ინციდენტებს წინ უსწრებს პარტიული ტელევიზიების მისვლა".

კობახიძის თქმით, რაც უფრო იაქტიურებს ამომრჩეველი, მით უფრო ნაკლებად იქნება წარმოდგენილი რადიკალური და დესტრუქციული ოპოზიცია პარლამენტში.

"რაც უფრო მეტი ამომრჩეველი მოვა, მით ნაკლები გუბაზ სანიკიძე, მით ნაკლები სალომე სამადაშვილი, ნატო ჩხეიძე და ა.შ იქნება ქართულ პარლამენტში", — თქვა ირაკლი კობახიძემ.

2020 წლის საპარლამენტო არჩევნების შესახებ

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: