საქართველოს ახალგაზრდა იურსიტთა ასოციაცია შინაგან საქმეთა სამინისტროს მოუწოდებს, რომ მედიის მიმართ ძალადობის ფაქტებზე ეფექტური რეაგირება მოახდინოს.

"გლდანის ოლქის N79 საარჩევნო უბანთან პუბლიკის ჟურნალისტს უბნის პერიმეტრზე მყოფი ერთ-ერთი პირი თავს დაესხა. აღსანიშნავია ისიც, რომ ეს პირი მედიის სხვა წარმომადგენლებსაც დაუპირისპირდა და მათი მისამართით საჯაროდ იგინებოდა. ამავე უბანთან მიმდინარე დაპირისპირების დროს, სახის არეში დაზიანება მიიღო TV პირველის ჟურნალისტმა ანა ახალაიამაც", — ვკითხულობთ განცხადებაში.

საია მოუწოდებს უწყებას, დროული და ეფექტური რეაგირება მოახდინოს ჟურნალისტების მიმართ განხორციელებულ ძალადობრივ ქმედებებზე და უზრუნველყოს მედიის წარმომადგენლების უსაფრთხოება კენჭისყრის დღის გაშუქებასთან დაკავშირებით.