"თუ მომცემთ საშუალებას, გეტყვით ორ სიტყვას... ყვირილი დაამთავრეთ ახლა... შეიძლება, ერთი წუთი წესიერება ამ ქვეყანაში?.." — ამ სიტყვებით მიმართავდა პრეზიდენტი სალომე ზურაბიშვილი ჟურნალისტებს საარჩევნო უბნის გარეთდა მოუწოდებდა, რომ სიჩუმე შეენარჩუნებინათ.

საქართველოს პრეზიდენტმა, სალომე ზურაბიშვილმა თავის არჩევანი უკვე დააფიქსირა. ხმის მიცემის შემდეგ მან მოუწოდა მოქალაქეებს, რომ მისულიყვნენ არჩევნებზე.

"ჩვენ დღეს ხმას ვაძლევთ ყველანი იმისთვის, რომ ავაშენოთ ის ქვეყანა, რომელზედაც ჩვენ ყველანი ვოცნებობთ, ეს არის ევროპული, დემოკრატიული ქვეყანა. დღეს არის კიდევ ერთი ნაბიჯი ამ მიმართულებით", — განაცხადა პრეზიდენტმა.

2020 წლის საპარლამენტო არჩევნების შესახებ

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: