Anonymouse (სახელში გადათამაშებულია ინგლისური სიტყვები "ანონიმური" და "თაგვი") ხელოვანთა ანონიმური ჯგუფია, რომლებიც თაგვის თემატიკის პაწაწინა საყვარელი მინიატურების აგებით შვედეთის ქუჩებს ჯადოსნურად ალამაზებენ.

Anonymouse-ის პირველი ნამუშევარი 2016 წელს გამოჩნდა შვედეთის ქალაქ მალმეში — ეს იყო ციცქნა თხილის მაღაზია და იტალიური რესტორანი. მას შემდეგ კიდე არაერთი გასაოცარი შედევრი შეიქმნა, მათ შორის ბენზინგასამართი სადგურები, გასართობი ატრაქციონები და ციხე-სიმაგრეებიც კი.

"თაგვებისთვის პატარა მაღაზიების აგების იდეა 2016 წლის გაზაფხულზე გაგვიჩნდა პარიზში. პირველი ინსტალაცია — თხილის მაღაზია და იტალიური რესტორანი — 2016 წლის დეკემბერში გავაკეთეთ შვედეთის სამხრეთის ქალაქ მალმეში", — განაცხადა Anonymouse-ის ერთ-ერთმა წევრმა.

ამ მოძრაობის იდეის პირველად ჩასახვაზე საუბრისას გუნდის ერთ-ერთმა წევრმა თქვა:

"რამდენიმე ჩვენგანი რაღაცის ერთად შექმნას განვიხილავდით და აღმოვაჩინეთ, რომ ყველას გვიყვარდა შვედი მწერლის, ასტრიდ ლინდგრენის, შექმნილი სამყაროები და დისნეისა და დონ ბლუთის ფილმები, რომლებშიც პატარა არსებები პარალელურ სამყაროში ცხოვრობენ და ჩვენს ნაგავსა და ნარჩენებს სხვა მიზნებისთვის იყენებენ".

როდესაც Bored Panda-მ Anonymouse-ს ჰკითხა, თაგვის თემატიკის ამ მინიატურების უკან რამე ფარული მნიშვნელობა ხომ არ იმალებოდა, მათი პასუხი იყო:

"არაფერი იმაზე მეტი, ვიდრე ქვეითად მოსიარულეებისთვის უბრალოდ მცირეოდენი ყოველდღიური მაგიის მიწოდებაა. და რაღაც, რაც ჩვენ, როგორც კოლექტივს, ძალიან მოგვეწონებოდა, ბავშვობაში რომ სადმე მოგვეკრა თვალი. მიუხედავად ამისა, ქუჩის ხელოვნების ნებისმიერი გამოვლინება, საბოლოოდ, საჯარო სივრცის შეცვლის გზაა და, ამგვარად, წინააღმდეგობის რაღაც ფორმა, რაც არ უნდა საყვარელი იყოს ის".

"გვიხარია, რომ ამან ხალხს შვილებთან ერთად მინიატურების აგება შთააგონა; გვიხარია, რომ ერთგული აუდიტორია გვყავს, რომელიც რიგშიც კი დგება, რათა თაგვების ციცქნა მაღაზიები იხილოს. ძალიან გვახარებს სოციალურ ქსელში წარმოქმნილი ის განხილვები, რომლებიც ჩვენს ყოველ ახალ ინსტალაციას მოსდევს და რომლებშიც მომხმარებლები ამ ინსტალაციების განვითარების ახალ გზებს იფიქრებენ".

"იმედი გვაქვს, ეს ერთგვარ ცნობისმოყვარეობას წარმოქმნის და, ვინაიდან პარალელური სამყაროს იდეა ასეთი გავრცელებულია, ვფიქრობთ, ის ხალხს ბავშვობასთან აკავშირებს. ამ დროისთვის ხალხმა, რომელიც ჩვენს ნამუშევრებს იცნობს, უკვე იცის, რომ ჩვენს ინსტალაციებში რაღაც სიტყვებით თამაშები, ხუმრობები და ნარჩენი ნივთები უნდა ეძიონ. ეს რაღაც ერთიანობის განცდას ქმნის".

სახლის თანამედროვე, გამორჩეული დიზაინით მოწყობაში ამიერკავკასიაში ყველაზე დიდი სამშენებლო და სარემონტო მასალების ჰიპერმარკეტი მიჰაუსი დაგეხმარებათ. 12 000 კვ. მეტრზე გაშლილ სივრცეში თქვენ შეხვდებით 60 000-მდე დასახელების პროდუქციას მსოფლიოს მრავალი ქვეყნიდან.

პროდუქციის ვირტუალურ ინტერიერში აღქმის შესაძლებლობით, ონლაინ მაღაზიით, სწრაფი მიტანის სერვისით, ლოიალურობის პროგრამებითა და სხვა უპირატესობებით მიჰაუსი თქვენი სახლის თუ სამუშაო სივრცის სიმყუდროვესა და კომფორტს უზრუნველყოფს.