Avengers: Endgame-ის პრემიერიდან ერთი წელი გავიდა, სულ მალე კი ამ ისტორიის ცნობილი სუპერგმირების შესახებ დამოუკიდებელი სერიალი გამოვა.

WandaVision — ასე ჰქვია მარველის სამყაროს მომავალ პროექტს, რომელიც დისნეის სტრიმინგ სერვისისთვის Disney+ გადაიღეს. სერიალის სიუჟეტი ვიჟენისა და ვანდას შესახებ მოგვითხრობს, ოღონდ უცნობია, ეს ორი სუპერგმირი ერთად როგორ მოხვდა: ახლახანს გავრცელებული ტრეილერიდან დადასტურდა, რომ სერიალის სიუჟეტი Avengers: Infinity War-ის შემდეგ ვითარდება.

" - მკვდარი ვარ?
- არა, ეგ რამ გაფიქრებინა?
- იმან, რომ შენ ხარ მკვდარი" — ეუბნებიან ვიჟენს ტრეილერში.

დისნეიმ ეს დამაინტრიგებელი პროექტი თებერვალში დააანონსა და მაშინვე გახდა ცნობილი, რომ ამ შოუს როგორც მარველის ფილმებისთვის დამახასიათებელი ხელწერით, ისე კლასიკური სიტკომების ნაზავით იღებდნენ.

შესაბამისად, იმის ინტრიგით, თუ რას აკეთებს გარეუბანში დასახლებული ორი სუპერგმირი, მრავალი მაყურებელი ელოდება ამ ახალი სერიალის უკრანებზე ხილვას.

სამწუხაროდ, უცნობია WandaVision-ის გამოსვლის ზუსტი თარიღი: თავდაპირველად დაგეგმილი იყო, რომ მისი პრემიერა 2020 წლის დეკემბერში შემდგარიყო, თუმცა უცნობია, რა გავლენა იქონია პანდემიამ ამ სატელევიზიო შოუს წარმოებაზე და შეიცვლება თუ არა ეს თარიღი.

აღსანიშნავია, რომ ეს დისნეის ერთადერთი სამომავლო პროექტი არ არის, რომელსაც მარველის სუპერგმირების შესახებ იღებს: უკვე დაანონსებულია ისეთი სატელევიზიო შოუები, როგორებიცაა Falcon and Winter Soldier, Loki და She-Hulk.