თავდაცვის მინისტრი, ირაკლი ღარიბაშვილი, მიიჩნევს, რომ ნაციონალური მოძრაობის პოლიტიკური ველიდან გაყვანა საერთო ეროვნული ამოცანა უნდა იყოს. ამის შესახებ მან დედოფლისწაროში მაჟორიტარი დეპუტატობის კანდიდატის წარდგენის ღონისძიებაზე ისაუბრა.

"ყველა ის ხელისუფალი, რომელიც ჩვენს ქვეყანას და ჩვენს ხალხს თავიდან ვერ ააცილებს ისეთ დიდ განსაცდელს, როგორიც არის ომი, რა თქმა უნდა, არ იმსახურებს არათუ ხელისუფლებაში დაბრუნებას და ყოფნას, არამედ პოლიტიკაში დარჩენას. შესაბამისად, მეგობრებო, ახლა ჩვენი საერთო ეროვნული ამოცანა უნდა იყოს ამ დესტრუქციული და დესტაბილიზაციის მთავარი წყაროს, ნაციონალური მოძრაობის მთლიანად პოლიტიკური ველიდან გაყვანა", — განაცხადა ირაკლი ღარიბაშვილმა.

აღსანიშნავია, რომ ირაკლი ღარიბაშვილი დღეს აფხაზეთის დაწყების 28 წლისთავს გამოეხმაურა, სადაც ისევ ნაციონალურ მოძრაობაზე ისაუბრა.