უმრავლესობის წევრი, ირაკლი კობახიძე ამბობს, რომ სანამ ხელისუფლება საქმეს აკეთებს, ოპოზიცია ერთმანეთის ჭამით არის დაკავებული. მისი თქმით, ეს ძალიან კარგია და თუ ოპოზიცია ასე გააგრძელებს მომდევნო მოწვევის პარლამენტში უფრო ნაკლებად იქნებიან წარმოდგენილები.

"ისინი ერთმანეთს ჭამენ პარტიებში, პარტიებს გარეთ, მედიაში, არასამთავრობო ორგანიზაციებში, ყველგან არიან ისინი ერთმანეთთან დაპირისპირებული, რაც ძალიან კარგია, იმიტომ, რომ ეს რადიკალური ოპოზიცია საბოლოო ჯამში იმ მოცულობითაც ვერ იქნება ამ ფონზე მომდევნო პარლამენტში წარმოდგენილი, რა ფორმითაც დღეს არის. შესაბამისად, გააგრძელონ ერთმანეთის ჭამა, ეს მხოლოდ და მხოლოდ კარგია ჩვენთვის და კარგია ქვეყნისთვის", — განაცხადა კობახიძემ.