ნაციონალური მოძრაობა მთავრობას მოუწოდებს ეკონომიკური კრიზისის პირობებში მოქალაქეების ფინანსურად დაეხმაროს. პრეზენტაციაზე ნიკა მელიამ განაცხადა, რომ "მისხალ-მისხალ" დათვლილი გეგმით, ყველა მოქალაქეს, 18 წლის ზემოთ — 1000 ლარით უნდა დაეხმარონ, იმათ გარდა, ვისაც შემოსავალი აქვს 40 ათასი ლარი და ზემოთ. მისივე თქმით, ყველა ბავშვს უნდა დაეხმარონ 500 ლარით.

"ეს არის მისხალ-მისხალ დათვლილი პროგრამა, თუ როგორ უნდა გაუმართოთ ხელი საკუთარ ხალხს. სწრაფი ფულადი დახმარება ყველას. თუ ამის შესაძლებლობა არ გაქვთ, კეთილი ინებეთ და დატოვეთ სამუშაო ოთახები. თუ ვერ ეხმარებით, გამოდით და დაეხმარება სხვა", — მიმართა ოპოზიციის ლიდერმა მთავრობას.