ეროვნულ ბიბლიოთეკაში კორონავირუსთან დაკავშირებული სადენზინფექციო სამუშაოები მიმდინარეობს, ხვალიდან კი შემოსასვლელებში სპეციალური ჰიგიენური დისპენსერები მოეწყობა. ბიბლიოთეკა ორშაბათიდან გააგრძელებს ჩვეულ რეჟიმში მუშაობას.

დაავადებათა კონტროლის ცენტრის რეკომენდაციების მიხედვით, ანტიმიკრობული (სადეზინფექციო) საშუალებები ეფექტურია კორონავირუსის წინააღმდეგ. საყოფაცხოვრებო სარეცხი საშუალებებით დასუფთავების ჩატარება და საყოფაცხოვრებო სადეზინფექციო საშუალებების გამოყენება პროფილაქტიკური დასუფთავების ჩასატარებლად საკმარისია.

ამ ეტაპზე საქართველოში კორონავირუსით ინფიცირების 9 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს, საღამოს. ამასთანავე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.