როგორ შეიძლება მოდის ინდუსტრია მეცნიერებასთან გადაიკვეთოს და კლიმატის ცვლილებების პრობლემები გამოააშკარაოს? სამოსზე წარწერებით? დიზაინით?

ფოტო: 20th Century Fox

ამ პროცესში კრეატივის ჩაქსოვას მხოლოდ დემნა გვასალია შეძლებდა, რომელმაც დარბაზის ნაწილი და შესასვლელი წყალში "ჩაძირა", ხოლო მოდელები "დატბორილ" პოდიუმზე გამოიყვანა.

ბალენსიაგამ პარიზში 2020 წლის შემოდგომის კოლექცია წარადგინა, ადგილზე მისულ დამთვალიერებლებს კი სპორტის სტადიონის მსგავსი სცენა და პლასტმასის დასაკეცი სკამები დახვდათ. აკრძალული იყო წინა რიგში გადაადგილებაც, სტუმრები კი ელექტრონული ჩირაღდნებით აღჭურვეს.

მაყურებლებს შორის იყვენენ კიმ კარდაშიანი და კანიე ვესტიც.

შუქის ანთების შემდეგ ყველამ მიხვდა, რატომ იყო მაყურებლისთვის წესები დაწესებული — ოთახის ცენტრი წყალში იყო ჩაძირული.

ფოტო: Rex / Shutterstock

პოდიუმის თავზე ვეება, დედამიწის ფორმის ჭერი ჩანდა, რითიც დიზაინერი გლობალურ დათბობისადმი თავის დამოკიდებულებაზე კიდევ ერთხელ უსვამდა ხაზს.

მოდელებს შორის იყვნენ ტანმოვარჯიშეები და სამართლის სტუდენტებიც. კოლექციაში შავი ფერი სჭარბობდა. იყო ტყავში და სხვადასხვა ფერში გადაწყვეტილი მოტოციკლეტისტის ფორმის სამოსიც.

ფოტო: Rex / Shutterstock

"ეს აპოკალიფსი გგონიათ? არა, ეს ჩემთვის მოდის ზეიმია. ამის კეთება მიყვარს. შობა საქსოვ დაზგასთან, ჩემი ტანსაცმლის განახლებაში გავატარე. ეს კოლექცია ის ყველაფერია, რაც მიყვარდა. საქართველოში გავიზარდე და მღვდლებისა და ფეხბურთელების ფეტიში მქონდა", — თქვა გვასალიამ შოუს დახურვის შემდეგ.

დიზაინერი კოლექციას "ყველაზე მეტად დემნა მსგავსს" უწოდებს მათ შორის, რაც აქამდე შეუქმნია. მან ასევე გაიხსენა კრისტობალ ბალენსიაგა, რომლის დასაფლავებაზეც 1972 წელს კათოლიკე მღვდელს მოდის სახლში შექმნილი მანტია ემოსა.

შოუ გვასალიამ პარიზში, კომუნისტური პარტიის ყოფილ შენობაში გამართა. ყველა მოდელის ნახვა ვოგის საიტზე შეგიძლიათ.