მოძრაობა შევინარჩუნოთ სიცოცხლეს წევრები პარლამენტთან ანტიოპოზიციურ აქციას მართავენ. მათ პარლამენტის წინ აღმართულ ღობეზე გააკრეს ნაცინალური მოძრაობის ლიდერებისა და მაღალჩინოსნების ფოტოები, რომლებიც "სისხლიანი ხელებით" შეღებეს.

"ჩვენ აქ, პირველ რიგში, მოვედით იმიტომ, რომ ნაციონალურ მოძრაობას ვუთხრათ, რომ ისინი აღარასდროს აღარ დაბრუნდებიან ამ ქვეყანაში, აღარანაირი სახით აღარ მოვლენ. ეს პლაკატები არის ამსახველი იმის, რომ ცხრაწლიანი რეჟიმის დროს იყო პირსისხლიანი ცხრა წელი და ყველაფერს რასაც ე.წ. ოპოზიცია დღეს აპროტესტებს, ყველა ეს პროტესტი არის უბრალოდ ბლეფი, სიყალბე. როგორ შეიძლება, რომ სასამართლოს, პროკურატურის, სისხლიანი რეჟიმის სულისჩამდგმელმა აპროტესტოს ის, რაც თვითონვე გააკეთა?!" — თქვა აქციის ერთ-ერთმა ორგანიზატორმა TV პირველთან საუბრისას.

აქციის მონაწილეებს ქართული ოცნების მიმართ პროტესიტი იმის გამო აქვთ, რომ ყოფილი შინაგან საქმეთა მინისტრი "დანაშაულის გამო დასჯილი არაა" და ციხიდან გამოდის. შევინარჩუნოთ სიცოცხლის წევრების თქმით, 2020 წელს პარლამენტი გიგა ბოკერიას მსგავსი ადამიანებისგან თავისუფალი უნდა იყოს.

დღეს, 5 თებერვალს, პარლამენტთან ოპოზიციამ და სამოქალაქო აქტივისტებმა აქციები განაახლეს. ისინი უმრავლესობის დეპუტატებს "სირცვილის კორიდორებით" და სასტვენებით დახვდნენ. "სირცხვილია", "თავისუფლება პოლიტპატიმრებს", "ბიძინა ვირუსი" — ამ და სხვა პლაკატებით ისინი ორ სხვადასხვა შესასვლელთან, ჩიტაძისა და ჭიჭინაზის ქუჩაზე იდგნენ.