Nick Cave and the Bad Seeds-მა კონცერტზე გადაღებული გასული წლის ფილმი, Distant Sky — Live in Copenhagen ყველასთვის ხელმისაწვდომი გახადა და კოპენჰაგენის 2-საათნახევრიანი ცოცხალი შესრულება YouTube-ზე გამოაქვეყნა.

2017 წლის ემოციური კონცერტი დანიაში 2016 წლის ალბომის, Skeleton Tree-ის ტურნეს ფარგლებში გაიმართა. ის ნიკ ქეივის ერთ-ერთი შვილის გარდაცვალებიდან ცოტა ხანში გამოქვეყნდა. შოუს დიდი ნაწილი სწორედ ახალ ალბომს დაეთმო, თუმცა მასზე შეასრულეს ბენდის არსებობის ისტორიაში შექმნილი სხვა სიმღერებიც. მათ შორის 1984 წლის სადებიუტო ალბომიდან მისივე სახელობის ტრეკი From Her to Eternity.

ფილმის Distant Sky — Live in Copenhagen რეჟისორი დევიდ ბერნარდია. ის კინოთეატრებში მხოლოდ ერთი ღამით იყო ხელმისაწვდომი. ფილმის YouTube-ზე გამოქვეყნება ნიკ ქეივმა დააანონსა და მსმენელებს შობა მიულოცა.