დღეს 2010-იანი წლების ყველაზე დამამახსოვრებელ, უჩვეულო და თუნდაც სკანდალურ კოსტიუმებს გიჩვენებთ, რომლებზეც დღემდე ლაპარაკობენ.

1. ლედი გაგა, 2010

2010 წელს MTV-ის დაჯილდოებაზე ლედი გაგა ფრანც ფერნანდესის დიზაინით შექმნილი ხორცის კაბით გამოცხადდა. იმის მიუხედავად, რომ ეს ათწლეულის დასაწყისში იყო, გაგას შერჩეულ კოსტიუმზე დღემდე საუბრობენ.

2. ნიკი მინაჟი და ლედი გაგა, 2011

2011 წლის გრემის დაჯილდოებაზე ნიკი მინაჟი ლეოპარდად გადაიქცა და ჟივანშის ორიგინალური კოსტიუმით გამოცხადდა.

ამ სიაში ლედი გაგა კიდევ ერთხელ მოხვდა. ის ასევე გრემის წითელ ხალიჩაზე ასეთი კვერცხისებური კაფსულით მივიდა. მთელი თავისი დიდებულებით კი მხოლოდ სცენაზე გამოსვლის შემდეგ წარდგა.

3. საშა ბარონ კოენი, ნიკი მინაჟი და ანჯელინა ჯოლი / 2012

საშა ბარონ კოენი ოსკარის დაჯილდოებაზე თავისი გმირის მსგავსად გამოწყობილი მივიდა, ფილმიდან The Dictator. ხელში კი ოქროს ლარნაკი ეჭირა, რომელშიც ვითომ ახალგარდაცვლილი ჩრდილოეთ კორეის დიქტატორის, კიმ ჩენ ირის ფერფლი იყო.

ექსტრავაგანტული ნიკი მინაჟი 2012 წლის გრემიზეც გამორჩეული კოსტიუმით წარდგა. მას ვერსაჩეს წითელი კოსტიუმი ეცვა კაპიუშონით და წითელქუდას განასახიერებდა, გვერდით კი რომის პაპად გადაცმული მეწყვილე ჰყავდა, რომელსაც ის ალბათ ბოროტი მგლისგან უნდა დაეცვა.

ანჯელინა ჯოლი ვერსაჩეს ამ კაბით ემის დაჯილდოებაზე მივიდა. ერთი შეხედვით ანჯელინაც თვალისმომჭრელია და კაბასაც ვერაფერს დავუწუნებთ, თუმცა წითელ ხალიჩაზე მისი პოზა მიმების საბადოდ იქცა.

4. კიმ კარდაშიანი, 2013

კიმ კარდაშიანი თავის პირველ შვილზე იყო ორსულად, როდესაც მეთ გალაზე ჟივანშის კაბა აარჩია. ის პირველად იყო ნიუ-იორის მეტროპოლიტენის მუზეუმის მდიდრულ წვეულებაზე. როგორც რეალითი შოუს ვარსკვლავმა ცოტა ხნის წინ გაიხსენა, მას შემდეგ რაც კაბაზე გამოხმაურებები და მიმები ნახა, ბევრი იტირა. კიმის კოსტიუმი სავარძლის გადასაკრავს და მისის დაუთფაიერის კაბას შეადარეს.

5. რიანა, 2014

"არასდროს იქნები მოდური, თუ რისკებზე არ წახვალ", — თქვა რიანამ წითელ ხალიჩაზე, როდესაც სვაროსკის თვლებით გაწყობილი გამჭვირვალე კაბით გამოჩნდა. CFDA-ს მოდის დაჯილდოებაზე ის მოდის წლის აიქონად დაასახელეს.

6. მაილი საირუსი და რიანა, 2015

სკანდალური 2013 წლის შესრულებიდან 2 წლის შემდეგ, მაილი საირუსმა ისევ გააოცა მსოფლიო და VMAs-ის აუდიტორია, როდესაც ვერსაჩეს აი ამ კოსტიუმით გამოჩნდა. პოპ-ვარსკვლავს არჩევანი დაუწუნეს, თუმცა მისი თქმით, ამ კოსტიუმით ქალების გაძლიერება და მათთვის იმის შეხსენება სურდა, რომ საკუთარი სექსუალურობა უნდა უყვარდეთ და შეინარჩუნონ.

აბა თუ გახსოვთ ყველაზე ხშირად რას შეადარეს რიანას 2015 წლის მეთ გალას კოსტიუმი? კი, ტაფაზე შემწვარ კვერცხს.

7. მადონა, 2016

2016 წელს ამერიკული მედია და სოციალური ქსელები პოპ დივას უკანალს განიხილავდა ამ ექსტრავაგანტული სამოსის გამო. ფაქტია, რომ მადონას ზედმეტი მცდელობა არ სჭირდება იმისთვის, რომ შთაბეჭდილება მოახდინოს, თუმცა როდესაც მეთ გალაზე ასეთი გაბედული სამოსით ჩნდება, კიდევ ერთხელ გვარწმუნებს, რომ მთელი სამყარო მის ფეხებთანაა გართხმული.

8. კენდალ ჯენერი, 2017

კენდალ ჯენერი 2017 წელს La Perla-ს სახე იყო. სწორედ მისი გამჭვირვალე კოსტიუმითა და ბადისებრი მოსაცმელით გამოჩნდა ის ამავე წლის მეთ გალაზე და საღამოს ერთ-ერთი ყველაზე დასამახსოვრებელი მომენტიც შექმნა.

9. კეტი პერი და ეზრა მილერი, 2018

2018 წელს მეთ გალას თემა "სამოთხის სხეულები: მოდა და კათოლიკური წარმოსახვა" იყო, რაც კეტი პერიმ ძალიან პირდაპირ გაიგო და წვეულებაზე ვეება ფრთებით გამოცხადდა.

ამავე წელს გაგვაოცა და თავი შეგვაყვარა ეზრა მილერმა, რომელიც Fantastic Beasts-ის ლონდონურ პრემიერაზე დუტის კოსტიუმით, მალეფისენტის სტილში წარმოგვიდგა.

10. ბილი პორტერი და Cardi B, 2019

2019 წლის ოსკარის წითელ ხალიჩაზე ბილი პორტერმა ყველა დაჩრდილა:

"ტანსაცმელს მუდამ საკუთარი თავის გამოსახატავად ვიყენებდი, ხოლო მოდით, სტილითა და დიზაინით სიცოცხლეს, სიყვარულსა და ბედნიერებას ვზეიმობ", — უთხრა მან The Hollywood Reporter-ს.

რაც შეეხება ამერიკელ რეპერ Cardi B-ის, ის მეთ გალაზე წელს მეორედ იყო და შეიძლება ითქვას, საკუთარი ხალიჩით. მას ნამდვილად არ გასჭირვებია ნიუ-იორკის მეტროპოლიტენის მუზეუმის დაპყრობა. 2019 წელს პოპულარულ რეპერს იტალიური მოდის ბრენდის, მოსკინოს სისხლისფერი კაბა ეცვა, რომელიც ცალკეულ ადგილებს გამოკვეთდა და მკერდზე 40 კარატიანი ლალის თვლების გარდა, ვეება მანტიაც მოჰყვებოდა.

ბონუსი: მეთ გაგა 2019

ბოლოს კი ნახეთ ლედი გაგას 4-სამოსიანი ტრანსფორმაცია 2019 წლის მეთ გალაზე და ჩვენთან ერთად ჩაიფიქრეთ, რომ მომავალ ათწლეულში წითელ ხალიჩაზე კიდევ უფრო მეტად ექსტრავაგანტულ, უჩვეულო, ორიგინალურ, თამამ და შთამაგონებელ კოსტიუმებს ვიხილავთ.