ამერიკის შტატ ჯორჯიაში ერთ-ერთმა ოჯახმა ნაძვის ხის შეძენიდან ერთი კვირის შემდეგ შეამჩნია, რომ მასზე ბუ სახლობდა.

არა, ნაძვის ხის ბუს გამოსახულების მქონე სათამაშოში არ არევიათ, ნამდვილი, ცოცხალი ბუ იყო ტოტებს შორის მყუდროდ მოთავსებული.

კეტი ნიუმენმა დაახლოებით 3 მეტრის სიგრძის ნაძვის ხე დეკემბრის დასაწყიში შეიძინა და მალევე შესაბამისი დეკორაციებით გააფორმა, თუმცა ვერასდროს წარმოიდგენდა, რომ საახალწლო სათამაშოებს შორის მძინარე ბუს აღმოაჩენდა.

ნიუმენმა თავის შვილთან ერთად 12 დეკემბერს შენიშნა, რომ ნაძვის ხეზე უცნაური არსება სახლობდა:

"დაუჯერებელი იყო, მაგრამ არ შევშინებულვართ. ჩვენ ძალიან გვიყვარს ველური ბუნება."

მას შემდეგ, რაც აღმოაჩინეს, რომ მათ სახლში ბუ სახლობდა, ფანჯრები გააღეს, რათა ფრინველისთვის წასვლის საშუალება მიეცათ, თუმცა ამაოდ: ბუ არ გაფრენილა.

ამის გამო მათ მოუწიათ სპეციალური სამსახური გამოეძახათ, რომელიც ბუს დაეხმარა, რომ კვლავ ველურ ბუნებაში დაბრუნებულიყო.

ოჯახის წევრებს სჯერათ, რომ ბუ ჯერ კიდევ იქამდე იყო ხეზე, სანამ მას შეიძენდნენ:

"ეს ნაძვის ხე ძალიან ხშირი ტოტებისა და ახალი წიწვების გამო შევარჩიეთ. როგორც ჩანს, ბუ მჭიდროდ იყო ჩაბღაუჭებული ხის ღეროს და ასე მოახერხა დამალვა", — ამბობს კეტი ნიუმენი.