ნამდვილი გრინჩის გარდა, რომელიც ახალი წლის მოპარვით არის მსოფლიოში სახელგანთქმული, არსებობენ ადამიანები, რომლებიც თამამად შეგვიძლია მის მიმდევრებად მოვნათლოთ. ისინი ფიქრობენ, რომ ახალი წელი სულაც არ არის წელიწადის ყველაზე ჯადოსნური პერიოდი და გულწრფელები რომ ვიყოთ, შესაბამისი არგუმენტებიც აქვთ.

1. სიცივე - თუ რა თქმა უნდა, ავსტრალიაში არ ცხოვრობთ

ჯერ თხელი მაისური, მერე გრძელმკლავიანი მაისური, მერე სვიტერი, მერე ქურთუკი, მერე კაშნე და ქუდი - როგორ შეიძლება ამდენ ფენა ტანსაცმელში გამოწყობილმა თავი კომფორტულად იგრძნო?

2. ყველგან საცობებია

ახალი წლის წინა დღეებში ქალაქი მთლიანად იჭედება და ცოტა რთულია, ასეთ მდგომარეობაში საზეიმო განწყობა შეინარჩუნო.

3. ყველაფერი ძვირდება და დოლარის კურსიც მაღლა მიდის

ყველაფერი ძვირდება, შემოსავალი კი ისევ ისეთივეა.

4. სამსახურში საქმეები იმატებს

ახალი წლის მოახლოება სულაც არ ნიშნავს იმას, რომ საქმეები შეცოტავდება. როგორც წესი, წლის ბოლოსთვის ყველაფერი შესაჯამებელ-დასახურია, რაც მარტივად ითარგმნება დამატებით მუშაობაში.

5. ათასგვარი ასაფეთქებელი და ფეიერვერკი

საერთოდ ვინმე ხალისობს ამით?

6. საჩუქრების შეფუთვის დაუსრულებელი და მომაბეზრებელი პროცესი

გეგონათ, საცობებს თუ გადაურჩით და მაღაზიების რიგებშიც გააღწიეთ, ამით ყველაფერი დასრულდა? ნაყიდი საჩუქრები შესაფუთია, რაც იმას ნიშნავს, რომ ან საკუთარი ხელით უნდა გააკეთოთ ეს, ან - კიდევ ერთ უზარმაზარ რიგში ჩადგეთ.

7. დაუპატიჟებელი სტუმრები, რაც, შეიძლება ითქვას, რომ ძალიან ქართული ფენომენია

და შესაბამისად, ამ წუხილს ყველაზე ხშირად სწორედ, ქართველი გრინჩებისგან მოისმენთ.

8. 3-მეტრიანი ნაძვის აწყობა და იმაზე ფიქრი, რომ ორ კვირაში ეს მონსტრი ისევ ჩვენი დასაშლელია

რა ძალიანაც არ უნდა გაწელოთ ნაძვის ხის დაშლა, მორთული ნაძვის ხე მარტში უკვე ძალიან არაბუნებრივად გამოიყურება.

9. შინაური ცხოველების ომი ნაძვის ხესთან

კატები არჩევანის წინაშე გვაყენებენ: ჩვენ მიერ მორთული ნაძვის ხე გვირჩევნია თუ მათი ბედნიერება ამ ნაძვის ხის ბრდღვნით?

10. პურის რიგი

ისევ 90-იანებში ვცხოვრობთ თუ რატომ უნდა ჩავდგეთ პურის რიგში?

11. სიქრეთ სანტა სამსახურში, სიქრეთ სანტა მეგობრებში, სიქრეთ სანტა სანათესაოში...

შენ რომ ორკაციან საგზურს ჩუქნი შენს ადრესატს და სამაგიეროდ წინდებს იღებ.

12. ერთმანეთში ახლართული ნათურები

ფოტო: chinabrands

თუ შეიძლება, ისევ ახლართულ ყურსასმენებს გავხსნი.

13. საახალწლო ფლეილისთი მაღაზიებში: სანტა ბეიბი, ჰერი დაუნ ზი ჩიმნი თუნააით

ან ახალი საახალწლო სიმღერები დაწერონ ან დაგვიბრუნონ: "თეთრი ციდან ფიფქი ცვივა, გვირილებისხელაო"

14. ამდენი ნიგოზი და ჩვენი სახის კანის რეაქცია ამდენ ნიგოზზე

რამდენს ვუძლებთ!

15. და ბოლოს, მთელი ამ ორომტრიალის ჩავლის შემდეგ 0 ლარით მიღწევა იანვრის ხელფასამდე

სადღაც 15 იანვარს აცნობიერებ, რომ პრინციპში, ამდენი ნათურა, სათამაშო, საჩუქარი და საჭმელი არ გჭირდებოდა.

მიუხედავად ყველაფრისა, ახალი წელი მაინც საუკეთესო დროა იმისთვის, რომ ჩვენთვის ძვირფას ადამიანებს ვაგრძნობინოთ, როგორ გვიყვარს ისინი - თუნდაც ბუზღუნით და გრინჩულად.

ფოტო: Alex Krugli