2018 წელს გამოსული ფილმი A Quiet Place არა მარტო იმ წლის მნიშვნელოვანი კინომოვლენა გახდა, არამედ ერთ-ერთ საუკეთესო საშინელებათა ჟანრის ფილმადაც იქცა.

ფილმი იმდენად წარმატებული აღმოჩნდა, რომ მალევე რეჟისორმა ჯონ კრასინკიმ მისი გაგრძელება დააანონსა და მაყურებლები მას შემდეგ მოუთმენლად ელიან ფილმის შესახებ ნებისმიერი წვრილმანის გაგებას.

როგორც ცნობილია, ფილმის პრემიერა 2020 წელს შედგება, თუმცა ჯერ კიდევ არ გვიხილავს მისი ტიზერი ან ტრეილერი, რის გამოც ზუსტად არ ვიცით, თუ როგორი იქნება A Quiet Place-ის მეორე ნაწილის სიუჟეტური ხაზი.

თუმცა სულ ცოტა ხნის წინ კომპანია Paramount Pictures-მა ფილმიდან პირველი ოფიციალური ფოტო გაავრცელა და ამით ერთგულ ფანების ინტერესი ნაწილობრივ მაინც დააკმაყოფილა.

ფოტო: Paramount Pictures

ვისაც ფილმის პირველი ნაწილი უნახავს, იცის, რომ A Quiet Place პოსტაპოკალიპტურ სამყაროში ერთი ოჯახის წარმოუდგენლად დაძაბული და საშიში ყოველდღიური ცხოვრების შესახებ მოგვითხრობს.

ცოტა ხნის წინ გავრცელებული ამ ფოტოს საშუალებით კი ვიგებთ, რომ ჩვენთვის კარგად ნაცნობი პერსონაჟების ისტორია გრძელდება: მთავარი გმირი, ეველინი, რომლის როლსაც ემილი ბლანტი ასრულებს, თავის შვილებთან ერთად გადარჩენისთვის ბრძოლას აგრძელებს.