სულ ცოტა ხნის წინ HBO-მ იმ სატელევიზიო შოუების პრომოვიდეო გამოაქვეყნა, რომლებსაც 2020 წელს ეს კომპანია მაყურებლებს შესთავაზებს.

ახალ და საინტერესო შოუებთან ერთად, როგორც იქნა, HBO-მ დაადასტურა, რომ სერიალ Euphoria-ს მეორე სეზონს 2020 წელს ვიხილავთ.

Euphoria 2019 წელს გამოჩნდა ეკრანებზე და მაშინვე მიიპყრო მაყურებლის ყურადღება: რეჟისორმა და სცენარის ავტორმა, სემ ლევინსონმა მოახერხა, რომ თინეიჯერების ირგვლივ განვითარებული სიუჟეტური ხაზით თანამედროვეობისთვის ძალიან მნიშვნელოვანი და პრობლემური თემების შესახებ ახლებური ხედვით მოეთხრო. თანაც ეს ყველაფერი საოცრად სანახაობრივი სცენებითა და დაძაბული ატმოსფეროთი გაამდიდრა.

Euphoria-სთან ერთად 2020 წელს ვიხილავთ Westworld-ის მესამე სეზონს, The New Pope-ს ჯონ მალოკოვიჩის მონაწილეობით და ჰიუ გრანტისა და ნიკოლ კიდმანის ახალ საერთო სერიალს The Undoing.