გერმანიაში ქელეხი ისე არ დასრულებულა, როგორც დამსწრეები ფიქრობდნენ, რადგან რესტორანში შეცდომით ნარკოტიკული საშუალებით მომზადებული ნამცხვრები დაარიგეს. მისი მირთმევის შემდეგ, 13-მა ადამიანმა თავბრუსხვევა და გულისრევა იგრძნო და სამედიცინო ჩარევა დასჭირდა.

პოლიციამ გამოძიებით დაადგინა, რომ რესტორნის თანამშრომელმა თავის 18 წლის შვილს ნამცხვირს მომზადებაში დახმარება სთხოვა, რომელმაც ისინი მარიხუანით მოამზადა. დედამ კი ქელეხის სტუმრებს შეცდომით სწორედ ჰაშიშიანი ნამცხვრები დაურიგა.

სამართალდამცავების ინფორმაციით, თინეიჯერის წინააღმდეგ გამოძიება მიმდინარეობს. როგორც ცნობილია, ინციდენტი აგვისტოში მოხდა, თუმცა მგლოვიარეების პატივისცემის მიზნით, აქამდე არ გახმაურებულა.