ჩილეში მასობრივი არეულობის შედეგად რვა ადამიანი დაიღუპა. მოსახლეობა რამდენიმე დღეა გაზრდილ ტარიფებსა და ხელისუფლების კორუფციას აპროტესტებს.

Associated Press-ის ინფორმაციით, სამი ადამიანი სანტიაგოს სუპერმარკეტში ხანძრის შედეგად დაიღუპა. კიდევ ხუთი ადამიანის ცხედარი კი საწყობის სარდაფში იპოვეს, რომელიც, ასევე, დარბეული და დამწვარი იყო.

ჩილეს დედაქალაქ სანტიაგოში 6 ოქტომბერს საპროტესტო აქციები მას შემდეგ დაიწყო, რაც მეტროში მგზავრობის საფასური 800 პესოდან 830 პესომდე გაიზარდა. 19 ოქტომბრისთვის აქციები მასობრივ არეულობაში გადაიზარდა, რა დროსაც დარბეული და დამწვარია სახელმწიფო შენობები, მაღაზიები, მანქანები და მეტროსადგურები. სანტიაგოს გარდა არეულობაა ქვეყნის ხუთ დიდი ქალაქში, სადაც ხელისუფლებამ საგანგებო მდგომარეობა გამოაცხადა.

არეულობასთან საბრძოლველად დედაქალაქში 10,5 ათასი სამხედრო და პოლიციელია მობილიზებული. ჩილეს პრეზიდენტმა, სებასტიან პინიერამა 19 ოქტომბერს მეტროზე გაზრდილი ტარიფი გააუქმა.

ფოტო: AP

ფოტო: AP

ფოტო: AP

ფოტო: AP

ფოტო: AP

ფოტო: AP

ფოტო: AP