რეჟისორი მარტინ სკორსეზე მარველის ნამუშევრების კრიტიკას განაგრძობს. ახალი ფილმის, The Irishman-ის ლონდონური პრომოუშენის დროს მან ჟურნალისტებთან კიდევ ერთხელ ისაუბრა მარველის კინოსამყაროზე.

ამჯერად მან გასართობ პარკებს არამხოლოდ სუპერგმირებზე გადაღებული ფილმები, კინოთეატრებიც შეადარა:

"თეატრები გასართობ პარკებად იქცა. არაუშავს, ეს კარგია, მაგრამ ყველა გაგებით არა. ეს კარგია მათთვის, ვინც ასეთი ფილმებით ერთობა და სიამოვნებას იღებს. ამას პატივს ვცემ, თუმცა ეს ჩემი სტილი არაა. უბრალოდ არ არის. და ეს ქმნის მაყურებლის განსახვავებულ კატეგორიას, რომელიც ფიქრობს, რომ ესაა ნამდვილი კინო".

რეჟისორი, რომლის ფილმებმაც სხვადასხვა ნომინაციებში 12 ოსკარი მიიღო, კიდევ ერთხელ გაიმეორა, რომ მარველის ფილმები ნამვილი კინო არაა:

იმ ფილმების ღირებულება, რომლებიც გასართობ პარკებს ჰგავს [მარველის ფილმების მსგავსებს ვგულისხმობ], განსხვავებული გამოცდილებაა და ასეთი ფილმები კინოთეატრებსაც გასართობ პარკებად აქცევს. ეს არაა კინო. ეს რაღაც სხვაა და ამან არ უნდა წაგვლეკოს. ეს დიდი პრობლემაა და აუცილებელია, მფლობელები იყვნენ საკმარისად გამბედავები იმისთვის, რომ კინოთეატრებმა მხოლოდ მხატვრული [ინტელექტუალური] ფილმები გაუშვან".

სკორსეზეს ახალმა ფილმმა 2019 წელს ნიუ-იორკის კინო-ფესტივალი გახსნა. მისი მსოფლიო პრემიერა პირველ ნოემბერს შედეგება და კინოთეატრებში გავა. მხოლოდ ამის შემდეგ, 27 ნოემბერს, ფილმი ნეტფლიქსზე გამოჩნდება. ფილმში მონაწილეობენ ალ პაჩინო, რობერტ დე ნირო და ჯო პეში.

ამავე თემაზე: