პარიზის სიახლოვეს მცხოვრები ხანშიშესული ქალის სახლში არც მეტი, არც ნაკლები დიდი ხნის წინ გაუჩინარებული, ფლორენციელი მხატვრის, ჩიმაბუეს €6-მილიონიანი ნახატი იპოვეს.

ფერწერული ნამშევარი მეცამეტე საუკუნით დათარიღებული პანელის ერთ-ერთი ნაწილია, რომელიც ერთ თვეში, 27 ოქტომბერს აუქციონზე გაიყიდება და რომლის საწყისი ფასიც 6 მილიონი ევრო იქნება.

ნახატის აღმოჩენის შემდეგ ქალმა ის ხელოვნების ექსპერტებს უჩვენა და მისი ორიგინალურობის საკითხი ეჭვქვეშ აღარ დგას.

ფოტო: AFP / GETTY IMAGES

აღსანიშნავია, რომ ნახატის ავტორზე დიდი გავლენა ჰქონდა ბიზანტიურ შემოქმედებას და მისი ნამუშევრები ხის პანელების მოოქროვილ ფონზეა შესრულებული.

"მარტივად შეამჩნევთ ჭიების მიერ გაკეთებულ ხვრელებს, რაც ჩიმაბუეს სხვა ნახატებზეც შეინიშნება. ეს კი უტყუარი მტკიცებულებაა იმისა, რომ ქალის სამზარეულოში აღმოჩენილი ნახატი ნამდვილად ორიგინალია", — ამბობს ექსპერტი.

ამავე პანელის ორი სხვა ნაწილი შეგიძლიათ ლონდონის ეროვნულ გალერეაში იხილოთ, ხოლო კიდევ ერთი ნაწილი ფრიკის კოლექციაში, ნიუ-იორკში ინახება.