ახალი ამბავი არ არის, რომ კვებას, განსაკუთრებით კი საუზმეს ჩვენი დღის მიმდინარეობაზე უდიდესი მნიშვნელობა აქვს. დღის პირველი კერძი მნიშვნელოვან გავლენას ახდენს იმაზე, თუ რამდენად ენერგიულად, წარმატებულად გავატარებთ დღეს და რამდენად პროდუქტიული ვიქნებით სამსახურში. თუმცა ყოველდღიურად დატვირთული გრაფიკის პარალელურად გემრიელი და ჯანსაღი ინგრედიენტებისგან დამზადებული საკვების პოვნა მარტივი როდია.

მადამ დე ზუსტად ის მწარმოებელია, რომელიც ხარისხიან, გემრიელ და მრავალფეროვან ფუნთუშეულს გვთავაზობს და მთელი დღის სამყოფ დადებით ენერგიას გვაძლევს. გემრიელი პურ-ფუნთუშეული ფუფუნებაა, რომელსაც თითოეული ჩვენგანი ნამდვილად იმსახურებს. მითუმეტეს, როცა მას სახლში ხელით გამომცხვარი პროდუქტისგან ვერ არჩევთ.

მადამ დეს ქართული პურ-ფუნთუშეულის უკან 20-წლიანი გამოცდილება დგას, შეუძლებელია, ამდენწლიანი გამოცდილების შემდეგ ვერ მიაგნო უნიკალურ გემოსა და ტექსტურას. მადამ დეს პროდუქციაც სწორედ ამითაა გამორჩეული — უმაღლესი ხარისხი, უნიკალური რეცეპტი და განუმეორებელი გემო.

ამასთან ერთად, ჯერ კიდევ 1999 წელს, საერთაშორისო სტანდარტების დაცვით მადამ დე, მაკდონალდსის ყველასთვის კარგად ცნობილი და საყვარელი ფუნთუშეულით მომმარაგებელი გახდა, დღეისათვის კი მათი პროდუქცია უკვე 500-მდე სხვადასხვა სავაჭრო ობიექტშია წარმოდგენილი. დაარსების დღიდან დღემდე, მადმამ დე უდიდეს მნიშვნელობას ანიჭებს ხარისხის შენარჩუნებას. პროდუქციის უსაფრთხოებას კი საერთაშორისო დონის აუდიტი ყოველწიურად ამოწმებს.

მადამ დე პროდუქტის შესაქმნელად ამერიკულ კორპორაციასთან, East Balt Inc თანამშრომლობდა, რომლის დახმარებითაც კომპანიამ პროდუქტების საწარმოებლად უნიკალური ტექნოლოგიური სისტემა შექმნა.

მადამ დე მომხმარებელს მრავალფეროვან პროდუქტს სთავაზობს, იქნება ეს ბლითები, სხვადასხვა არომატის მაფინები, ორცხობილები და ტოსტის, ჰამბურგერის თუ ჰოთ-დოგის პურები.

მადამ დეს გუნდი მუდმივად ზრუნავს განვითარებაზე — ატარებენ ტრენინგებს თანამშრომლებისთვის, ამონტაჟებენ ახალი სახეობის მანქანა-დანადგარებს, კონსულტაციებს კი უცხოელ კოლეგებთანაც გადიან — სწორედ ასე იქმნება უნიკალური პროდუქტი, რომელიც თავისი ხარისხით და ნოყიერებით ყოველდღე გაგაოცებთ.

მადამ დეს პროდუქციის შეძენა ისეთ სუპერმარკეტებშია შესაძლებელი, როგორიც არის ნიკორა, კარფური, ფუდმარტი, ორი ნაბიჯი, გუდვილი, ფრესკო და სპარი.

ბრენდის შესახებ დამატებით ინფორმაციას კი კომპანიის ვებგვერდზე ნახავთ.