ფრენკ გრილო და მორგან ფრიმანი დენიელ ადამსის ახალ ექშენში Panama-ში ითამაშებენ.

გრილო ყოფილი საზღვაო მებრძოლის როლს ასრულებს, რომელიც 1989 წელს პანამაში გასაიდუმლოებული მისიით ყოფილმა უფროსმა გააგზავნა, რომელსაც მორგან ფრიმანი ასრულებს. მათი მიზანი საიდუმლო და ძალიან მნიშვნელოვანი შეხვედრის მოწყობაა, რომელსაც მათი მტრებიც უნდა დაესწრონ. ქალაქში ქაოსია, სამოქალაქო ომი მიმდინარეობს, გრილოს გმირს კი უამრავი სირთულის გადალახვა მოუწევს. მკვლელები, მიგზავნილი აგენტი ქალები და მტერთან თანამშრომლობა ეს ის ეტაპებია, რომლის გავლაც მისიის შესასრულებლად მოუწევს.

ფილმი ნამდვილ მოვლენებს ეფუძნება. გადაღებები ნოემბერში დაიწყება, პრემიერა კი ტორონტოს საერთაშორისო ფესტივალზეა დაგეგმილი.

ფრენკ გრილოს მაყურებელი Captain America- დან იცნობს, ის ასევე თამაშობს ტელესერიალში Kingdom, ცოტა ხნის წინ კი მარველის საკულტო ფილმში Avengers:Endgame-ში პატარა როლიც კი ჰქონდა, სადაც საიდუმლო ორგანიზაცია ჰიდრას აგენტს ასრულებს.