The Theory of Everything-ის საოსკარო წარმატებების შემდეგ, ედი რედმეინის და ფეილისიტა ჯონსის სამსახიობო წყვილი ეკრანს ერთად ისევ უბრუნდება. ისინი ახალ ფილმში The Aeronauts-ში თამაშობენ, რომელსაც ასევე აქვს პოტენციალი ოსკარის ნომინაციებისა და ჯილდოებისთვის საბრძოლველად. მსახიობებს საჰაერო ბურთით მოგზაურობა და თავგადასავალი ელით წინ, რომელიც ინგლისელი ასტრონავტის და ასტრონომერის, ჯეიმს გლეშიერის თავგადასავალზეა დაფუძნებული. ფილმის რეჟსორი ტომ ჰარპერია, რომლის ფილმიც Wild Rose ცოტა ხნის წინ გადიოდა კინოთეატრებში. რეჟისორი ასევე ცნობილია Peaky Blinders-ისთვის გადაღებული ეპიზოდებით და 2016 წელს გამოსული მინისერიალით War & Peace.

ფილმისთვის ამაზონი ასეთ სინოფსისს გვთავაზობს: მოქმედება 1862 წელს ხდება, ფილმის მთავარი გმირები შეძლებული ქვრივი ამელია რენი (ჯონსი) და ამბიციური მეცნიერი ჯეიმს გლეშიერი (რედმეინი) არიანი. ისინი საჰაერო ბუშტით ექსპედიციას დაგეგმავენ, მათი მიზანი რეკორდულ სიმაღლეზე აფრენა და პირველობაა. ეს არის მოგზაურობა არსებობის მიჯნაზე, სადაც ჰაერი ძალიან თხელია, გადარჩენის შანსები კი მცირე. სარისკო აფრენა მათ რეალურ სახეებს გვაჩვეებს, ისინი ერთმანეთის და საკუთარი თავების შესახებ ახალ აღმოჩენებს აკეთებენ, რაც საკუთარი ადგილის პოვნაში ეხმარებათ იმ სამყაროში, რომელიც ქვევით დატოვეს.

ფილმის პრემიერა დეკემბერშია დაგეგმილი, ზუსტი თარიღი ამ დროისთვის უცნობია.