ნეტფლიქსმა სტივენ სოდერბერგის ახალი ფილმის, The Laundromat-ის ახალი ტრეილერი გამოუშვა. შავ კომედიაში, რომელიც პანამის დოკუმენტებს ეყრდნობა, მთავარ როლს მერილ სტრიპი ასრულებს.

მთავარი გმირს ელენ მარტინის ოცნების შვებულება რადიკალურად იცვლება, როდესაც შემთხვევით აღმოაჩენს შავბნელ გარიგებებს, რომელთა კვალიც პანამის იურიდიულ ფირმასთან მიდის, ამ ფირმას კი პარტნიორები იურგენ მოსაკი (გარი ოლდმენი) და რამონს ფონსეკა (ანტონიო ბანდერასი) მართავენ. ელენი ცოტა ხანში ხვდება, რომ მისი ეჭვები ზღვაში წვეთია იმ ყველაფერთან შედარებით, რაც რეალურად ხდება. პოლიტიკური ლიდერები და მსოფლიოს უმდიდრესი ადამიანები სპეციალურ ოფშორულ საგადასახადო სქემას იყენებენ, რითიც საკმაოდ დიდი სარგებელი აქვთ.

ფილმში ასევე თამაშობენ: ჯეფრი რაითი, მატიას შონერტსი, ჯეიმს ქრომველი, რობერტ პატრიკი, დევიდ შვიმერი და შერონ სტოუნი. ფილმის რეჟისორი და პროდიუსერი კი სტივენ სოდერბერგია. სცენარი ჯეიკ ბერნსტეინის წიგნის Secrecy World: Inside the Panama Papers Investigation of Illicit Money Networks and the Global Elite-ის მიხედვით სკოტ ბარნსმა დაწერა.