2019 წლის 4 ოქტომბერს ეკრანზე ჯოკერის შესახებ გადაღებული ფილმი გამოვა, რომელშიც მთავარ როლს ხოაკინ ფენიქსი ასრულებს.

რამდენიმე წუთის წინ კინოსტუდია Warner Bros. Pictures-მა ფილმის ფინალური ტრეილერი გამოაქვეყნა.

ფილმი ჯოკერის, როგორც ბოროტმოქმედის შექმნის საწყისებზეა. მოქმედება 80-იანი წლების გოთემში ვითარდება. მთავარი გმირი, არტურ ფლეკი კლოუნია დაქირავებით, რომელიც სთენდ-აფ კომიკოსობაზე ოცნებობს და თავისი ადგილის პოვნას უშედეგოდ ცდილობს. ის ხვდება, რომ ყოველთვის მასზე იცინიან, აპათიასა და სისასტიკეს შორის ყოფნისას კი ცუდ გადაწყვეტილებას იღებს და სადისტი კლოუნი ხდება.

ფილმის სიუჟეტი ალან მურის და ბრაიან ბოლანდის გრაფიკული ნოველაზე Batman: The Killing Joke-ზეა დაფუძებული. ფილმში ვიხილავთ რობერტ დე ნიროსაც, რომელიც კინოსურათში ერთ-ერთი გადაცემის წამყვანის როლს მოირგებს. ფილმის რეჟისორი ტოდ ფილიპსია.

ფინალურ ტრეილერთან ერთად გავრცელდა ფილმის პოსტერიც.

ფოტო: Warner Bros. Pictures

ასევე იხილეთ: