იუსტიციის უმაღლეს საბჭოში უზანაესის მოსამართლეებთან გასაუბრებაზე არამოსამართლე წევრმა, ნაზი ჯანეზაშვილმა განაცხადა, რომ ხმაური ხელს უშლის. მან მიმართა დიმიტრი გვრიტიშვილს, რომელიც საბჭოს თავმჯდომარის მოვალეობას ითავსებს და სთხოვა, რომ სიტუაცია გაეკონტროლებინა. საუბარში მოსამართლეები ჩაერთენ და ჯანეზაშვილს უმტკიცებდნენ, რომ ხმაური ხელს არ უშლიდა.

"ტყვილია ეს ტყვილია. ტყვილად აფიქსირებთ ამას, არავინ ხელს არ გიშლით ქალბატონო ნაზიბროლა. საზოგადოებაც აგერ ზის და ტყვილია", — განაცხადა მოსამართლე სერგო მეთოფიშვილმა.

ამ საკითხის განხილვა კამათში გადაიზარდა, რის შემდეგაც ჯანეზაშვილმა კიდევ ერთხელ მოუწოდა გვრიტიშვილს, რომ სიმშვიდე უზრუნველეყო. საუბარში ისევ ჩაერთო მეთოფიშვილი და მოუწოდა ჯანეზაშვილს, რომ დრო აღარ დაეკარგა.

"ყველას პასუხობთ და გააგრძელეთ რა ქალბატონო ნაზიბროლა. ყველას აკრიტიკებთ, ყველას პასუხობთ. დახმარება კი არა თხოვნაა, დაასრულთ რა", — განაცხადა მან.

რამდენიმე წუთში მეთოფიშვილმა სხდომა დატოვა. მან გასაუბრების პროცესს დაკითხვა უწოდა და განაცხადა, რომ ვისაც ჯანეზაშვილის მოწყობილი დაკითხვის მოსმენა სურდა შეეძლო დარჩენილიყო, თავად კი შესვენებაზე გადიოდა.