50 წელი გავიდა მას შემდეგ, რაც ნიუ-იორკში "სტოუნუოლის ამბოხის" შემდეგ პირველი პრაიდი გაიმართა. მას შემდეგ, ივნისის თვე ლგბტ ადამიანების სიამაყის თვედ არის გამოცხადებული.

გამონაკლისი არც 2019 წელი იქნება და მთელი 30 დღის განმავლობაში, ქალაქი ბევრ ღონისძიებას გამართავს. ამ დროს ის მსოფლიოს სხვდასხვა კუთხიდან უამრავ სტუმარს უმასპინძლებს.

ლგბტ პრაიდის მარში კი ამ ყველაფრის კულმინაცია იქნება, რომელშიც თვის მიწურულს მილიონობით ადამიანი მიიღებს მონაწილეობას და გასაკვირი სულაც არ არის, რომ ქალაქში ღამის გასათევი ადგილის მოძებნა საერთოდ არ იქნება მარტივი.

ფოტო: Dimitrios Kambouris / Getty Images

სწორედ ამიტომ, ერთ-ერთი საიტი, რომელიც მოგზაურებისთვის არის განკუთვნილი და მათ ჰოტელების უდიდეს არჩევანს სთავაზობს, მიმზიდველ შეთავაზებას აკეთებს — დაიჯავშნა 50 ნომერი ნიუ-იორკის მასშტაბით არსებულ სასტუმროებში, სადაც ყველაზე იღბლიან მოგზაურებს 29 და 30 ივნისს ღამის უფასოდ გატარება შეეძლებათ.

წესები ძალიან მარტივია:

თუ ხართ მინიმუმ 18 წლის და პრაიდის თვეში (ივნისში) ნიუ-იორკს ეწვევით, თქვენ გაქვთ შესაძლებლობა, რომ შერჩეული სასტუმროებიდან ერთ-ერთში, ორი ღამე უფასოდ გაატაროთ. ამისთვის საჭიროა სახელი და გვარი, დაბადების თარიღი, ელექტრონული ფოსტის მისამართი და სამოტივაციო წერილი, თუ რატომ გინდათ პრაიდზე დასწრება.

გამარჯვების შემთხვევაში კი იმეილზე საპასუხო წერილს 48 საათის განმავლობაში მიიღებთ.