შპს თეგეტა მოტორსის 21-პროცენტიანი წილის მფლობელმა ზაურ ცხადაძემ 2019 წლის შუალედური არჩევნების მეორე ტურისთვის სახელისუფლებო პარტიას, ქართულ ოცნებას 60 ათასი ლარი შეწირა. გადარიცხვა 23 მაისით თარიღდება.

ეს პირველი შემთხვევა არაა, როცა ზაურ ცხადაძე და კომპანიის მფლობელები მმართველ პარტიას ფულს წირავენ. ცხადაძემ ქართულ ოცნებას 60-60 ათასი ლარი შეწირა 2016 და 2017 წლებში. კომპანიის სხვა მეწილემ, გიორგი მშვილდაძემ მმართველი პარტიის მხარდაჭერილ კანდიდატ სალომე ზურაბიშვილს 55 ათასი ლარი გადაურიცხა.

კიდევ უფრო ადრე, 2012 წლის აგვისტოში, როცა ნაციონალური მოძრაობა მართავდა ქვეყანას, სახელისუფლებო პარტიას თეგეტა მოტორსის მეწილე თემურ კოხრეიძემ 60 ათასი შეწირა.