ქართველმა მეცო სოპრანომ ანიტა რაჭველიშვილმა, მოცეკვავემ თეა დარჩიამ, მუსიკოსმა ნიკოლოზ რაჭველმა და სხვა უცნობმა ნიჭიერმა ხელოვანებმა თბილისის მეტროში ფლეშმობი დადგეს.

თუმცა, თითოეული მათგანი ანიტას ცუგამ დაჩრდილა, რომელიც მუსიკას მონდომებით აყვა ყეფით და მას შემდეგ, რაც პატრონმა კარმენი შეასრულა, ტაშიც დაიმსახურა.

როგორც თეა დარჩია ვიდეოს აღწერაში წერს, ფლეშმობი ახალგაზრდა ხელოვანების მხარდასაჭერად ჩაიწერა. მათი შესრულებით 31 მაისიდან 1-კვირიანი მუსიკალური ფესტივალი იწყება.