წიგნისა და საავტორო უფლებების საერთაშორისო დღესთან დაკავშირებით, სამშაბათს, 23 აპრილს საქართველოს საავტორო უფლებათა ასოციაციის თავმჯდომარე, გიგა კობალაძე შეხვედრას გამართავს.

შეხვედრა საქართველოს წიგნის გამომცემელთა და გამავრცელებელთა ასოციაციის მიერ ორგანიზებული ღონისძიებების ფარგლებში და ასოციაციის კამპანიის — #არაინტელექტისოკუპაციას ეგიდით იმართება.

შეხვედრის თემაა საქართველოში საავტორო უფლებების სფეროში არსებული რუსული საფრთხე, რომელიც ბოლო პერიოდში საკმაოდ რეალური გახდა.

შეხვედრაზე აუდიტორიას ასევე მიეწოდება ინფორმაცია საქართველოში საავტორო უფლებების სფროში არსებული მდგომარეობის შესახებ და გაიმართება დისკუსია საზოგადოებისთვის საინტერესო საკითხებზე.

შეხვედრა მოსწავლე ახალგაზრდობის ეროვნული სასახლის შიდა ეზოში 17:00 საათზე დაიწყება. ღონისძიებაზე დასწრება თავისუფალია.