თბილისის მერმა კახა კალაძემ თბილისის მთავრობის 27 მარტის სხდომაზე თანამშრომლებს მოუწოდა, კანონი დაიცვან და კორუფციას თავი აარიდონ. ამით თბილისის მერი, რამდენიმე დღის წინ, საბურთალოს გამგეობის სამხედრო განყოფილების თანამშრომელის დაკავებას გამოეხმაურა, ქრთამის აღების საქმეზე. კახა კალაძემ სხდომაზე დამსწრეებს მოუწოდა, თავიანთი თანამშრომლები გააფრთხილოთ, რათა ასეთი ფაქტები არ მოხდეს.

მერმა ისიც აღნიშნა, რომ თუ რომელიმე თანამშრომელს დახმარება სჭირდება, იგი მზადაა ხელშეწყობისთვის, თუმცა ეს "არ უნდა მოხდეს კანონის გადახვევის გზითა და ქრთამის აღებით".

"უამრავ ადამიანს ვეხმარებით და ჩვენს თანამშრომლებსაც დავეხმარებით. ჩვენ უნდა ვემსახუროთ ხალხს და იმიტომ ვართ აქ, რათა ვემსახურებით ჩვენს ქალაქსა და თბილისელებს. დიდი პასუხისმგებლობა გვაქვს აღებული და ეს ყველამ უნდა გავითავისოთ", — თქვა კალაძემ.