თბილისის მერის, კახა კალაძის განცხადებით, ტვერელის ეკლესიის მიმდებარედ სამშენებლო სამუშაოებზე ნებართვა კანონის სრული დაცვითაა გაცემული. კალაძის განმარტებით, ეკლესიას პრობლემა არ შეექმნება, პირიქით, მიმდინარეობს ღობის გამაგრებითი სამუშაოები.

"იმ კონკრეტულ ადგილზე იყო ბარაკები და იქ მცხოვრები ადამიანები ძალიან მძიმე მდგომარეობაში იყვნენ. დღეს შენდება ორ თუ სამსართულიანი თანამედროვე სახლი, რომელიც ყველანაირად ჯდება იმ საერთო გარემოში, რაც კონკრეტულ ადგილს აქვს", — თქვა კალაძემ.

ტვერელის ეკლესიის მიმდებარედ მშენებლობა სამოქალაქო სექტორის წარმომადგენლებმა დღეს, 26 მარტს გააპროტესტეს. მათი თქმით, მშენებლობა უსაფრთხოების დაცვით არ მიმდინარეობს.