ყაზახეთის პოლიციამ ქვეყნის დედაქალაქში გამართულ აქციაზე ასტანისთვის ნურსულთანის დარქმევის მოწინააღმდეგეები დააკავა. ამის შესახებ ინფორმაციას Reuters ავრცელებს.

გამოცემის ცნობით, დაკავებულია ოცამდე ადამიანი. ისინი ასტანაში მიმდინარე საპროტესტო აქციაზე დააკავეს, სადაც დედაქალაქისთვის ყოფილი პრეზიდენტის, ნუსრულთანის სახელის დარქმევას აპროტესტებდნენ.

ასტანას ყოფილი პრეზიდენტის, ნურსულთან ნაზარბაევის პატივსაცემად 20 მარტიდან ნურსულთანი ჰქვია. ქვეყნის პარლამენტს ამ ინიციატივაზე ერთი სრული დღეც არ უმსჯელია და მას ერთსულოვნად დაუჭირა მხარი. ყაზახეთის მთავრობა ითხოვდა, რომ ამ საკითხზე რეფერენდუმი ჩაეტარებინათ, თუმცა ახალმა პრეზიდენტმა გადაწყვიტა, რომ პარლამენტს შეუძლია, სახელის ცვლილება რეფერენდუმის გარეშე განიხილოს.

19 მარტს, თითქმის 30-წლიანი მმართველობის შემდეგ ყაზახეთის პირველი პრეზიდენტი, ნურსულთან ნაზარბაევი გადადგა. მან ახალ პრეზიდენტად სენატის სპიკერის, ყასიმ-ჟომარტ ტოყაევის დანიშვნა შესთავაზა, რომელიც ქვეყანას 2020 წლის საპრეზიდენტო არჩევნებამდე უხელმძღვანელებს. სენატის სპიკერის პოსტი კი ნაზარბაევის უფროსმა შვილმა, დარიგა ნაზარბაევამ დაიკავა.

ამავე თემაზე: