სურსათის ეროვნულმა სააგენტომ მარნეულში ჯგუფური მოწამლის ფაქტზე, ბიზნესოპარატორს საწარმოო პროცესი შეუჩერა და დააჯარიმა.

სააგენტოს ცნობით, მარნეულის მუნიციპალიტეტის სოფელ სადახლოში ადამიანების ჯგუფური მოწამვლის ფაქტზე ინდმეწარმე სამირ კარაჯაევის კუთვნილ რესტორნში არაგეგმური ინსპექტირება განხორციელდა. როგორც სააგენტოს პრესსამსახური წერს, შემოწმებისას კრიტიკული შეუსაბამობები გამოვლინდა, რის გამოც ბიზნესოპერატორს შეუჩერდა საწარმოო პროცესი და დაჯარიმდა.

მარნეულის მუნიციპალიტეტში, სოფელ სადახლოში, 180-ზე მეტი ადამიანი გუშინ გვიან ღამით მოიწამლა. ყველა მათგანი ქორწილში იმყოფებოდა. აღნიშნულ ფაქტთან დაკავშირებით მოკვლევა გრძელდება. შინაგან საქმეთა სამინისტრომ გამოძიება დაიწყო ადამიანის სიცოცხლისათვის ან ჯანმრთელობისათვის საშიში პროდუქციის დამზადების, შემოტანის ან რეალიზაციის მუხლით.