დიდი ზომის ქურთუკებში ჩამძვრალი და-ძმა ეზოში დახტის და ბედნიერებისგან კისკისებს — ამის მიზეზი კი მათ ცხოვრებაში პირველად ნანახი თოვლის ფიფქებია.

ბავშვები კანადის ქალაქ ტორონტოში აფრიკის ქვეყნიდან, ერიტრეადან ჩავიდნენ. ისინი ადგილობრივმა ქალმა, რებეკა დევიესმა ოჯახთან ერთად შეიფარა, მანამ, სანამ ისინი ახალ საცხოვრებელს იპოვიან.

"პირველი თოვლი ერიტრეალი ბავშვებისთვის, რომლებიც კანადაში ახალი ჩამოსულები არიან", - დაწერა რებეკამ ვიდეოს აღწერისას.

მოგვიანებით, ვიდეო კანადის პრემიერ-მინისტრმა, ჯასტინ ტრუდომაც გადატვიტა.

"მაგარია. ახლა მათ გადათოვლაც აჩვენე, ასწავლე, რომ ის სახალისოა და ყველაფერი მოგვარდება. მადლობა იმ ყველაფრისთვის, რასაც აკეთებ რებეკა. კეთილი იყოს თქვენი ჩამოსვლა კანადაში", - დაწერა მან.