მარწყვებში ნემსის პოვნის სკანდალურ საქმეზე ავსტრალიაში 50 წლის ქალი დააპატიმრეს. სასამართლოში გაკეთებული განცხადების მიხედვით, დაკავებულის მოტივაცია ადამიანებისთვის ზიანის მიყენება იყო. ინფორმაციას BBC ავრცელებს.

დაკავებული ავსტრალიის ქალაქ ბრიზბენში მარწყვის ფერმაში დამკვირვებლად მუშაობდა. მას ბრალი 7 მუხლით აქვს წაყენებული და 15-წლიანი პატიმრობა ემუქრება. უცნობია, აპირებს თუ არა ის ბრალდებების გასაჩივრებას.

როგორც CNN პოლიციაზე დაყრდნობით წერს, თანამშრომლებისგან სავარაუდო უპატივცემულოდ მოპყრობის გამო, დაკავებული მათ შურისძიებით დაემუქრა.

უჩვეულო პანიკა მარწვის შესახებ მთელ ავსტრალიას და მოგვიანებით ახალ ზელანდიას სექტემბრიდან მოედო. პოლიციის განცხადებით, 186 საჩივარი შევიდა მარწყვში აღმოჩენილი ნემსის შესახებ. მათგან მხოლოდ 15 იყო ყალბი.

მარწყვებში ნემსების განთავსებაში ბრალდებული.

ფოტო: EPA

უცნობია, არის თუ არა დაკავებული პასუხისმგებელი ყველა შემთხვევაზე. პოლიცია ამბობს, რომ გამოძიება დასრულებული ჯერ არაა.

პირველი შემთხვევა ქუინსლენდში მოხდა, როცა მარწყვის ჭამის შემდეგ, კაცი საავადმყოფოში მუცლის ტკივილის ჩივილით გადაიყვანეს.

ფერმერები იძულებულნი გახნდნენ, ხილი გადაეყარათ, სუპერმარკეტები კი მარწყვს გაყიდვიდან იღებდნენ.