HBO-ს ყველაზე წარმატებული სერიალის, სამეფო კარის თამაშების ფინალური სეზონის გამოსვლამდე დრო ნელა გადის, თუმცა ახალი დეტალებით თითქმის ყოველდღიურად გვანებივრებენ.

მაგალითად, Entertainment Weekly-სთვის მიცემულ ინტერვიუში, შოუს შემქმნელები, გარდა ყველაზე გრანდიოზული სეზონის დაანონსებისა, ისეთ დეტალებსაც გვიმხელენ, როგორიც არის, მაგალითად ის, თუ როგორ დაიწყება ფინალური სეზონის პირველი ეპიზოდი.

მაშ ასე, მოემზადეთ, მერვე სეზონის გამხსნელი სცენის ეპიცენტრში ვინტერფელი იქნება.

დრაკონების დედოფალი, დაენერის ტარგარიენი ჯონ სნოუსთან (იგივე ეიგონ ტარგარიენთან), ტირიონ ლანისტერთან და თავის ამალასთან ერთად ჩრდილოეთში ჩადის, სადაც მას სანსა და არია სტარკები ხვდებიან.

მიუხედავად სნოუს დაბრუნებით გამოწვეული სიხარულისა, ვინტერფელში დრაკონების დედოფლის დანახვა არ უხარით.

როგორც შოუს შემქმნელები ამბობენ, აღნიშნული სცენა პირველი სეზონის საპილოტე სერიის მსგავსი იქნება, როდესაც ვინტერფელში რობერტ ბარათეონი და ლანისტერები ჩადიან.

გაიგეთ მეტი: ყველაზე მასშტაბური ფინალი — ყველაფერი, რაც GOT-ის მერვე სეზონზე ვიცით