შარლიზ ტერონის სახელის გაგონებისას, ასოციაცია ყველას ნიჭიერ მსახიობსა და ღვთაებრივად ლამაზ ქალზე უჩნდება, თუმცა ცოტამ თუ იცის, რომ ოსკაროსანი მსახიობის მიღმა, საშინელი წარსული იმალება.

განსაკუთრებით მტკივნეული კი ის ღამეა, როდესაც შარლიზის დედამ, გერდამ მრავალწლიანი დამცირება და ძალადობა ვეღარ აიტანა და შარლიზის მამა მოკლა.

"ყოველთვის ვცდილობდი, რომ თავი ისე მომეჩვენებინა, თითქოს ეს ამბავი მე არ გადამხდენია. მომხდარა. თუ ვინმე მამაზე მეკითხებოდა, ვამბობდი, რომ ის ავარიაში დაიღუპა. მამაჩემის საშინელი ქცევები, მისი დამოკიდებულება ალკოჰოლთან და ძალადობა დედაზე, ჩემი ბავშვობის ყველაზე საშინელი ეპიზოდებია. წარმოიდგინეთ, მთელი ჩემი ცხოვრება იმაზე იყო აგებული, დალევდა თუ არა მამაჩემი იმ დღეს. დედაჩემის საქციელმა მე მამაც ადამიანად ჩამომაყალიბა. ის ძლიერი ქალია, რომელმაც მთელი თავისი ცხოვრება ერთ საბედისწერო ღამეს გადაწყვიტა და მიუხედავად ამისა, ფეხზე დადგა. მე არაჩვეულებრივი დედა მყავს, რომელიც მთელი ჩემი ცხოვრების შთაგონების წყარო გახდა", - იხსენებს ტერონი.