ჩვენ შევკრიბეთ ის მთავარი სამეცნიერო სიახლეები, რომლებიც შეიძლება დატვირთული კვირის განმავლობაში გამოგრჩენოდათ.

1. ეს ვირუსი კიბოს უჯრედებს გასაღებივით ერგება, რაც იმედისმომცემი სიახლეა

მეცნიერებმა შეისწავლეს ვირუსი, რომელსაც კიბოს უჯრედების ჯანმრთელი უჯრედებისგან გარჩევა შეუძლია. მკვლევარებმა ვირუსების ეს თვისება შესაძლოა სასიკეთოდ გამოიყენონ და კიბოსთან ბრძოლის ახალი მეთოდები შექმნან.

გაიგეთ მეტი: http://go.on.ge/vlu

2. გალაქტიკური კანიბალიზმით ირმის ნახტომის სქელი დისკის წარმომავლობა აიხსნა

მეცნიერებმა ცის ამ დროისთვის ყველაზე ზუსტი რუკის გამოყენებით დაადგინეს, რომ ჩვენი გალაქტის ცენტრში არსებული ვარსკვლავების გროვა უცხო წარმომავლობისაა.

გაიგეთ მეტი: http://go.on.ge/vnl

3. ლამების წყალობით, შესაძლოა გრიპის ვირუსის უნივერსალური ვაქცინა შეიქმნას

მეცნიერებმა აღმოაჩინეს, რომ ახალი ვაქცინა გრიპის ვირუსის 60 სხვადასხვა შტამის მიმართ არის ეფექტური. თაგვებზე ჩატარებული წარმატებული ექსპერიმენტების შემდეგ მეცნიერები კლინიკურ ცდებს იწყებენ.

გაიგეთ მეტი: http://go.on.ge/vr4

4. გულმკერდის განიერი ღრუს გამო, ნეანდერტალელებს ადამიანებთან შედარებით უფრო ღრმად ჩასუნთქვა შეეძლოთ

მეცნიერებმა 60 000 წლის წინ გარდაცვლილი ნეანდერტალელის გულკმერდის ღრუ და ხერხემლის ზედა ნაწილი აღადგინეს. ჯერჯერობით უცნობია, თუ რაში სჭირდებოდათ ან რატომ განუვითარდათ ნეანდერტალელებს უფრო ღრმა და ძლიერი ფილტვები.

წყარო: ScienceAlert

5. Soyuz-ის ავარიული დაშვება დეფექტურ სენსორს დაბრალდა - კადრებში ავარიის მომენტი ჩანს

გავრცელებულ კადრებში ჩანს მარცხენა ამაჩქარებელი, რომელიც რაკეტიდან განცალკევებას ვერ ახერხებს, რის გამოც ხომალდი უკონტროლო ბრუნვას იწყებს. ავარია დეფორმირებულმა სენსორმა გამოიწვია.

გაიგეთ მეტი: http://go.on.ge/vp7

6. კაცებს, რომლებიც მამად გახდომამდე ვარჯიშობდნენ, უფრო ჯანმრთელი შვილები ჰყავთ

მეცნიერებმა დაადგინეს, რომ მამების ფიზიკურ აქტივობას მათი შვილების გენების ექსპრესიაზე დადებითი გავლენის მოხდენა შეუძლია. კვლევაში მიღებულ შედეგებს შესაძლოა მომავალი თაობების ჯანმრთელობაზე დიდი გავლენა ჰქონდეს.

გაიგეთ მეტი: http://go.on.ge/vl4

7. 5-მილიარდიანი პროექტის ფარგლებში დედამიწაზე არსებული ყველა ორგანიზმის გენომი გაიშიფრება

ამჟამად ევკარიოტული ორგანიზმების მხოლოდ 0.2 პროცენტის გენომია გაშიფრული. მეცნიერების თქმით, პროექტის განმავლობაში მოპოვებული ინფორმაცია უამრავი ახალი აღმოჩენის წყარო გახდება.

გაიგეთ მეტი: http://go.on.ge/vrf

8. კეპლერის მისია დასრულდა, ეგზოპლანეტების მაძიებელ ტელესკოპს საწვავი საბოლოოდ ამოეწურა

კეპლერმა თავისი სიცოცხლის განმავლობაში ათასობით ეგზოპლანეტა აღმოაჩინა. თავდაპირველად, მისიის ხანგრძლივობა მხოლოდ ოთხი წელი იყო, თუმცა ის საბოლოოდ ცხრა წელი, შვიდი თვე და 23 დღე გაგრძელდა.

გაიგეთ მეტი: http://go.on.ge/vnk

9. სახლში დაბადებული ბავშვების კუჭ-ნაწლავის მიკროფლორა უფრო მრავალფეროვანია

მეცნიერებმა დაადგინეს, რომ საავადმყოფოში არსებული შედარებით სტერილური გარემო გავლენას ბავშვების კუჭ-ნაწლავის მიკროფლორაზეც ახდენს. კვლევებით დგინდება, რომ მიკრობიომის არასწორი განვითარების შემთხვევაში ბავშვები დაავადებების მომატებული რისკის ქვეშ ხვდებიან.

წყარო: ScienceAlert

10. მეცნიერებმა წყალბადის საწვავის წარმოებაში გარღვევა მოახდინეს

მეცნიერებმა წყლის გახლეჩვის პროცესში არსებული ფუნდამენტური ქიმიური რეაქციის გამოაშკარავება შეძლეს, ეს მათ წყალბადის მიღების ეკონომიური გზების შექმნის საშუალებას მისცემს.

გაიგეთ მეტი: ScienceAlert