თბილისის მერიამ ფეისბუქზე ავტობუსის ფერთან დაკავშირებით გამოკითხვა დაიწყო. მერია მოსახლეობას ავტობუსის ორ ფერს სთავაზობს — მწვანესა და ვერცხლისფერს. ამჟამად 66%-ით მწვანე ლიდერობს.

"თბილისს 90 ახალი ავტობუსი ეყოლება. 2019 წლის თებერვლიდან დედაქალაქში ყვითელ ავტობუსებს ახალი, ბრენდირებული საზოგადოებრივი ტანსპორტი ჩაანაცვლებს. შერჩევის პროცესში მოქალაქეების ჩართულობა მნიშვნელოვანია. ამიტომ გთხოვთ, დააფიქსიროთ თქვენი მოსაზრება", — წერს თბილისის მერია.

თბილისის მერმა, კახა კალაძემ მოსახლეობას ავტობუსის ფერის შერჩევის პროცესში ჩართულობისკენ მილანიდან მოუწოდა. თბილისის მერი "მანის" შოურუმიდან პირდაპირ ეთერში ფეისბუქით ჩაერთო და მოქალაქეებს სამგზავრო ავტობუსების ფერების ვერსიები შესთავაზა.