ბრუკლინში გამართულ Apple-ის ღონისძიებაზე ამერიკელმა მუსიკოსმა ლანა დელ რეიმ დამსწრეებს სიურპრიზი გაუკეთა და ახალი სიმღერით, How To Dissapear, წარსდგა. მასთან ერთად სცენაზე იყო მუსიკოსი ჯეკ ანტონოვიც, რომელიც სიმღერას როიალზე უწევდა აკომპანიმენტს.

სიმღერა ლანას ახალ ალბომში, Norman Fucking Rockwell-ში შევა, რომელიც 2019 წელს გამოვა. აუდიტორიამ ის პირველად სწორედ ტექნოლოგიურ ივენთზე მოისმინა.

"მითხრეს, რომ გინების უფლება არ მაქვს, ამიტომ ალბომის დასახელებას ვერ გეტყვით", - თქვა ლანამ.

30 ოქტომბერს Apple-ის ტექნოლოგიურ ივენთზე ახალი iPad Pro, MacBook Air და Mac Mini წარადგინეს.