გულზე ხელი დაიდეთ და თქვით, ფოტოს გადაღების დროს რამდენჯერ ჩაგირთავთ შემთხვევით ვიდეო? სავარაუდოდ ძალიან ბევრჯერ.

ეს ძალიან ჩვეულებრივი ამბავი ყველას შეიძლება დაემართოს, მათ შორის პოპულარულ მსახიობებსაც. მაგალითდ ისეთს, როგორიც რემი მალეკია.

მისტერ რობოტისა და ბოჰემიური რაფსოდიის მსახიობი ფანს ფოტოს გადაღებაზე დათანხმდა, თუმცა, როდესაც ფანმა ვიდეოს გადაღება დაიწყო და მას მეგობრისთვის "გამარჯობის" თქმა სთხოვა, რემისგან უარი მიიღო.

საბოლოოდ, მალეკის ფანმა ვიდეო მაინც ატვირთა ტვიტერზე და 3 მილიონზე მეტი ნახვაც დააგროვა.

ადამიანებმა ვიდეოს ნახვის შემდეგ რემის ლანძღვა დაიწყეს და წერდნენ, რომ მისი მხრიდან ვიდეოს გადაღებაზე უარის თქმა ამპარტავნების ტოლფასი იყო.

ამ ყველაფერმა იმდენად მასშტაბური სახე მიიღო, რომ რემის განმარტების გაკეთებაც მოუწია და თქვა, რომ არ უყვარს როდესაც უკითხავად უღებენ ვიდეოებს.

"ძალიან მიყვარს ფანებთან ფოტოების გადაღება, თუმცა როდესაც უკითხავად ვიდეოების გადაღებას იწყებენ, ეს მარტივად რომ ვთქვათ არაეთიკურია", - ამბობს რემი მალეკი.

რაც შეეხება მალეკის ახალ ფილმს, ბოჰემიური რაფსოდია, მისი პრემიარა საქართველოში პირველ ნოემბერს შედგება.