ქლოი გრეის მორეცი და ჯეკ ოკონელი ფილმში, Love Is A Gun, ცნობილი ამერიკელი მძარცველების, ბონისა და კლაიდის როლს შეასრულებენ.

1932 წელს ბონი და კლაიდი ერთად იწყებს კრიმინალურ კარიერას. ისინი დანაშაულებრივ საქმიანობას ეწეოდნენ აშშ-ის სამხრეთ-აღმოსავლეთ ნაწილში დიდი დეპრესიის დროს. ისინი ძარცვავდნენ ბანკებს და ქმნიდნენ ქაოსს. მათ 13 მკვლელობა და 12-მდე ბანკის ძარცვა მიეწერებათ, ასევე უამრავი ძარცვა მაღაზიებსა და ბენზინგასამართ სადგურებში. ისინი ცნობილნი იყვნენ ბაროუს ბანდის სახელით. ბაკ ბაროუ 1933 წელს გამოდის ციხიდან და მაშინვე უერთდება ბანდას ცოლთან, ბლანშთან ერთად. მათ გარდა ბანდას კიდევ ერთი წევრი ჰყავს - ჯოუნსი.

1933 წლის 13 აპრილს პოლიციის ორი მანქანა მიდის მძარცველების სახლთან, სადაც ატყდება სროლა. სროლისას სასიკვდილო ჭრილობა მიიღო ბაკმა, ხოლო მის მეუღლეს აპატიმრებს პოლიცია. დანარჩენები ახერხებენ გაქცევას.

1934 წლის 1 აპრილს მძარცველებმა მოკლეს კიდევ ორი პოლიციელი. სულ 2 წლის განმავლობაში მათ 9 პოლიციალი მოკლეს.

ბევრი უშედეგო ცდის შემდეგ შერიფი ფრენკ ჰეიმერი აწყობს საფარს ლუიზიანას გზაზე, შავ ტბასთან, სადაც ბონი და კლაიდი დადიოდნენ პროდუქტებისთვის.

1934 წლის 23 მაისს გზაზე მიმავალი მძარცველების ავტომობილი დაცხრილა ექვსმა პოლიციელმა, რომელთაგან 4 იყო ტეხასელი რეინჯერი, ხოლო ორი ლუიზიანელი. მანქანაში 167 ტყვიამ გაიარა, მათგან 50-ზე მეტი სწორედ ბონისა და კლაიდს მოხვდათ.

კრიმინალი წყვილის შესახებ 1967 წელს გამოვიდა არტურ პენის ფილმი, რომელშიც მთავარ როლებს უორენ ბიტი და ფეი დანაუეი ასრულებენ.