სერიალები, ისევე როგორც ხელოვნების სხვა დარგები, ადამიანების ცხოვრებას ცვლიან. სწორედ მათ რიცხვს მიეკუთვნება შონდა რაიმსის სამედიცინო დრამა, გრეის ანატომია, რომელმაც მილიონობით მაყურებლის ცხოვრება უკეთესობისკენ შეცვალა.

ამის ერთ-ერთი მაგალითი ელენ პომპეომ გაიხსენა და ელენ დეჯენერესის გადაცემაში აცრემლებულმა მოყვა, როგორ შეცვალა გრეის ანატომიამ გეი თინეიჯერის ცხოვრება.

"სადაც არ უნდა ვიყო, საფრანგეთში, ლონდონში, კანზასში, ხალხი აცრემლებული მოდის და მეუბნება რამდენად მნიშვნელოვანია გრეი მათთვის. ბოლო სერია, რომლის რეჟისორიც მე ვიყავი, გყავდა გეი პერსონაჟი, მის როლს ასევე გეი ბიჭი ასრულებდა. ამ ეპიზოდის გადაღების შემდეგ, მოვიდა და მითხრა, რომ მთელი ცხოვრება გრეის ანატომიას დედასთან და მამასთან ერთად უყურებდა. ცდილობდა ასე ეთქვა მშობლებისთვის თავისი ორიენტაციის შესახებ და რომ განსხვავება ლგბტ და ჰეტეროსექსუალ ადამიანებს შორის არ არსებობს, რომ არაფერი არ სჭირს. ბოლოს კი, სწორედ გრეის ანატომია დაეხმარა მის მშობლებს გაეგოთ რას ნიშნავს, როცა გეი შვილი გყავს და რომ ამაში ცუდი მართლაც არაფერია. ეს ყველაფერს ნიშნავდა", - ამბობს ელენ პომპეო.